نئی دہلی، 27؍ جنوری(ایس او نیوز؍آئی این ایس انڈیا) کانگریس کے صدر رہل گاندھی کویوم جمہوریہ کے دن پریڈ کے دوران چھٹی صف میں جگہ ملنے پرتنازع جاری ہے۔ کانگریس کے الزام کے بعد بی جے پی کی طرف سے مسلسل حملہ کیاجارہا ہے، اب بی جے پی نے کانگریس صدرکو وی آئی پی گیلری میں جگہ ملنے پر ہی مہربانی قراردیاہے۔بی جے پی کے ترجمان جی وی ایل نرسمہا راؤ نے کہا کہ راہل گاندھی وی آئی پی علاقے میں بیٹھنے کے قابل نہیں ہے اور ہم نے ان کا احترام کیا ہے۔ نرسمہاراؤ نے اس کے پیچھے اصول اور روایات کا حوالہ دیاہے۔

نرسمہا راؤ نے کہا کہ کانگریس کے خیال میں جمہوریت اب بھی غائب دکھتاہے، وہ سوچتے ہیں کہ ملک ان کے خاندان اور نسل کے نام پر چلے گا، جو جمہوریت کے خلاف ذہنیت ہے۔نرسمہا راؤ نے کانگریس کی اوچھی سیاست پر بھی جواب دیا۔ انہوں نے کہا کہ آپ سیاست کرتے ہیں، بی جے پی نہیں ہے۔راؤ نے بھی کہا کہ حزب اختلاف کی جماعتوں کا احترام ہماری ثقافت میں ہے ،جبکہ کانگریس نے ہماری حکومتوں میں ہمارے قومی صدور کویہ عزت نہیں دی۔

بتادیں کہ راہل گاندھی کویوم جمہوریہ پر پریڈ کے دوران وی آئی پی مہمانوں میں چھٹی لائن میں جگہ دی گئی تھی۔جسے لے کر کانگریس نے بی جے پی پر اوچھی سیاست کا الزام لگایا ہے۔ کانگریس کے ترجمان رینڈیپ سرجیوالا نے کہا تھا کہ مغرور حکمرانوں نے تمام روایات کودرکنار کرتے ہوئے جان بوجھ کر راہل گاندھی کو پہلی چوتھی لائن میں اور پھر چھٹے لائن میں بیٹھایا۔کانگریس کے اس الزام پرجہاں ایک طرف سیکوریٹی وجوہات کی بناء پر راہل گاندھی کو چھٹی قطار میں بیٹھانے کی بات سامنے آرہی ہے وہیں بی جے پی نے کانگریس کے رہنماؤں کو یو پی اے کی حکمرانی کی بھی یاددلائی ہے۔ بی جے پی کے رہنماؤں نے کہا ہے کہ یو پی اے کی حکومت کے دوران بی جے پی صدور کووی آئی مہمانوں کے ساتھ بھی جگہ نہیں ملتی تھی۔